Müsahibə
Viktor Mendi: "Kardoso və Yunuszadə mənə çox mane oldu"
"Qəbələ"nin seneqallı hücumçusu Viktor Mendi…
"Qəbələ"nin seneqallı hücumçusu Viktor Mendinin futbolinfo.az saytına müsahibəsi
– Evdə "Neftçi" ilə qolsuz heç-heçə etdiz. Bu oyunu necə şərh edərdiz?
– Əlbəttə ki, yaxşı nəticə qazandıq. Hesab edirəm ki, 1 xal həm "Qəbələ", həm də "Neftçi" üçün yaxşı nəticə oldu. Yaxşı oyun oldu, qol epizodları da yaratdıq. Amma bu şanslardan istifadə edə bilmədik. Çalışacağıq ki, növbəti dəfə 3 xal qazanaq.
– Baş məşqçiniz də qaçırılan qol epizodlarından gileyləndi. Siz də bu komandanın hücumçususuz və sona qədər oynadız. Sizcə, hücum xəttində problemlər var?
– Düzdü, yaxşı epizodlarımız oldu, amma bu şanslardan faydalana bilmədik. Çətin oyun oldu. Onu da qeyd edim ki, rəqib komandanın müdafiəçiləri Elvin Yunuszadə və Karlos Kardoso bu gün çox yaxşı oynadı. Onlar məni addımbaaddım izlədi və qol epizodlarını reallaşdırmağıma çox mane oldu. Təbii ki, mən yenə də öz üzərimdə çox işləməliyəm və belə epizodları qaçırmamağa çalışmalıyam.
– Deyirlər ki, "Qəbələ" braziliyalı yarımmüdafiəçisi Dodo olmadan oyuna çıxanda çox çətinlik çəkir. O, ötən oyun 2 qol vurdu, amma zədə səbəbindən bu oyunu buraxmalı oldu. Bu barədə nə deyə bilərsiniz?
– Bəli, o, ötən oyun 2 qol vurdu. Amma biz komanda şəklində güclüyük. Biz yaxşı oynamasaydıq, o da 2 qol vura bilməzdi. Bu fikirlə də razılaşıram ki, o, bizim önəmli oyunçularımızdan biridi. Ümid edirik ki, tez zamanda sağalar və komandaya kömək edər. Elə də, bu komandadakı hər bir futbolçu bütün oyunlara hazır olmalıdı.
– Növbəti turda çempionatın iddialı klublarından olan "Xəzər Lənkəran"la evdə qarşılaşacaqsız. Bu oyunda 3 xal qazana biləcəksiz?
– Bəli, "Xəzər Lənkəran"la öz stadionumuzda oynayacağıq. Rəqib də çempionluq üçün oynayır. Çətin oyun olacaq, amma ümid edirəm ki, sonda sevinən tərəf biz olarıq.
– Lənkəran təmsilçisi mövsüm başlayandan özünü elə də yaxşı göstərə bilməyib. Siz də evdə oynayırsız. Yəqin ki, bu matçda heç-heçə sizi qane etməz?
– Əsas odu ki, oyuna yaxşı köklənək. Öz azarkeşlərimiz qarşısında oynayacağıq. Bu dəfə xal itirmək istəmirik. Oyuna maksimum nəticə üçün çıxacağıq.
ELMAR VƏLİYEV
- Ölkə futbolu2024-05-12 10:36
Mahir Xorvatiya çempionu oldu
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-12 08:45
Elxan Məmmədov – Mərdəkandan Kürdəxanıya yollanmaq üçün səbəb var