Milli komanda
Vaqif Sadıqov: “Biz bu gün həmin yığmanı görmək istəyirik”
Bu gün futbol üzrə Azərbaycanın əsas yığma komandası …
Bu gün futbol üzrə Azərbaycanın əsas yığma komandası AÇ-2016-nın seçmə mərhələsindəki ikinci oyununda İtaliyanın qonağı olacaq. Buna qədər İtaliya millisi ilə ölkəmizin yığması arasında keçirilən oyunlarda rəqibin üstünlüyü var. Belə ki, pireneylilər AÇ-2004-ün seçmə mərhələsi çərçivəsində həm səfərdə, həm də evdə millimizi əvvəlcə 2:0, daha sonra 4:0 hesabı ilə üstələmişdi.
Həmin dönəmdə millimizin baş məşqçisi olmuş Vaqif Sadıqov saytımıza danışaraq bu gün baş tutacaq qarşılaşmanı şərh edib: “Qrupun favoriti və ən titullu komandasına qarşı mübarizə aparacağıq. Son Dünya Çempionatı rəqibdə problemlərin olduğunu göstərdi. Baş məşqçi dəyişib, yeni futbolçular cəlb olunub. Hazırda İtaliya yığmasının öz modelinə uyğunlaşmasına vaxt lazımdı. Bu da millimizin lehinədi. Çəkinməmək lazımdı. Oyundan öncə özümüzü məğlub hiss ediriksə, meydana çıxmasaq, yaxşı olar. Psixoloji cəhətdən hazır olub, sona qədər mübarizə aparmalıyıq. Rəqib bizim müdafiə futboluna üstünlük verəcəyimizi düşünürsə, biz fərqli addım atmalıyıq. Rəqibə sərbəst topa sahib olmağa imkan verməli deyilik. İtirləsi bir şey yoxdu. 2002-ci ildə biz ulduzlardan ibarət İtaliya yığmasına qarşı mübarizə aparırdıq. Biz məğlub olsaq da, azarkeşlər bizi alqışla yola saldı. Bu günkü oyundan sonra istərdim ki, azarkeşlərimiz məyus duruma düşməsin.
Vaqif bəy "bu günkü heyətin uğur qazanması nə dərəcədə realdı” sualını da cavabsız qoymadı: “Heyətdə zədəlilər var. Biz komanda şəkilində güclüyük. Bu gün komanda şəklində öz oyunumuzu nümayiş etdirməliyik. Belə olan halda nəticə əldə edə bilərik. Ötən ilki Rusiya və İrlandiya ilə oyunlara nəzər salsaq, sona qədər mübarizə aparan millinin olduğunu görərik. Biz bu gün həmin yığmanı görmək istəyirik”.