Dünya futbolu
İspaniya klubunda baş məşqçi dəyişikliyi
İspaniyanın "Kordoba" klubu baş məşqçi Albert Fe…
İspaniyanın "Kordoba" klubu baş məşqçi Albert Ferreri istefaya göndərib. Futbolinfo.az yerli mətbuata istinadən xəbər verir ki, buna səbəb 44 yaşlı mütəxəssisin rəhbərlik etdiyi komandanın uğursuz nəticələr qazanmasıdı.
Belə ki, La Liqada cari mövsüm 8 oyundan sonra 4 xalla turnir cədvəlinin sonuncu pilləsində qərarlaşan "ağ-yaşıllar"ın 8-ci turdakı "Malaqa" məğlubiyyəti Ferrer üçün həlledici olub. Komandanın evdəki 1:2 hesablı məğlubiyyəti rəhbərliyin səbr kəsasını doldurub və məşqçi qovulub.
Artıq klub ispan çalışdırıcının əvəzləyicisini də tapıb. Belə ki, komandaya bundan sonra serbiyalı məşqçi Miroslav Cukiç rəhbərlik edəcək.
Qeyd edək ki, Ferrer cari ilin fevralından "Kordoba"nı çalışdırırdı.