Müsahibə
Sanko: "Oğuz Çətin "Xəzər Lənkəran"ın "Barselona" kimi oynamasını istəyir"
"Xəzər Lənkəran"ın syerra-leoneli yarımmüdafiə&c…
"Xəzər Lənkəran"ın syerra-leoneli yarımmüdafiəçisi Alfred Sankonun futbolinfo.az saytına müsahibəsi
– Son turda "Bakı"n 4 qolla məğlub etdiz. Bu oyunu necə şərh edərdiz?
– Yaxşı oyun oldu. Çünki biz qələbə üçün hazırlaşmışdıq. Komandada hamı yaxşı çalışdı və sonda qələbə qazandıq. Düzdü, mövsümə yaxşı başlaya bilmədik, amma çalışırıq ki, istədiyimiz nəticəni qazanaq.
– Həmin oyundan sonra rəqib baş məşqçi dedi ki, əgər erkən penalti olmasaydı, uduzmayacaqdıq. Bununla razısız?
– Xeyr. Mən elə düşünmürəm. Sadəcə olaraq, biz yaxşı hazırlaşmışdıq. Meydanda necə oynadığımızı hamı görürdü. Belə oyunla necə olursa, olsun rəqibi məğlub edəcəkdik. Təbii ki, bu da onun şəxsi fikiridi.
– Milli komandaların oyunu ilə əlaqədar 20 günlük fasilə oldu. Sizcə, "Xəzər Lənkəran" bu fasiləni necə dəyərləndirdi?
– Bu fasilədə çox yaxşı hazırlaşdıq. Lənkəranda və Bakıda ağır məşqlərimiz oldu. Bu da öz bəhrəsini verdi və fasilədən sonra böyükhesablı qələbə qazandıq.
– Komanda yoldaşlarınız da açıqlamalarında deyirlər ki, baş məşqçi Oğuz Çətin bizim qısa ötürmələrlə oynamağımızı istəyir. Sizcə, baş məşqçinin istədiyi oyunu inkişaf etdirə bilmisiz?
– Bəli. Bu komandaya ilk gələndə baş məşqçimizin oynatmaq istədiyi üslubla tanış oldum və gördüm ki, o, "Barselona" kimi qısa ötürmələrlə oynamağımızı istəyir. Mən bu tərz oyunu çox sevirəm. Günbəgün də bu oyunu inkişaf etdiririk.
– Növbəti turda "Qarabağ"la qarşılaşacaqsız. Rəqib komanda da güclüdü. Bu oyundan nə gözləyirsiz?
– Çalışacağıq ki, bu oyuna daha yaxşı köklənək. "Qarabağ"la matçda yaxşı oyun göstərib, müsbət nəticə qazanmaq istəyirik. Ümid edirəm ki, istəyimizə də nail olarıq.
– Rəqibin Riçard Almeyda və Reynaldo kimi güclü futbolçuları var. Həmin oyunçuları dayandırmaq üçün nəsə xüsusi planınız var?
– Elə bir planımız olub-olmadığını sizə deyə bilmərəm. Bu məndə qalmalıdı. Çalışacağıq ki, bunu oyun zamanı göstərək. Belə baxanda biz ancaq həmin oyunçularla qarşılaşmayacağıq ki. Biz "Qarabağ"la oyuna hazırlaşırıq. Çalışacağıq ki, öz oyunumuzu oynayıb, yaxşı nəticə qazanaq.
– Hazırda Syerra-Leonedə ebola virusu təhlükəsi var. Milli komandanızın oyunları üçün ölkənizə gedəndə sizdə bu virusla bağlı qorxu olurmu?
– Mən ölkəmə getmirəm. Çünki bu problemlə əlaqədar ev oyunlarımızı öz ölkəmizdə keçirə bilmirik. Oyunlarımızı Kamerun, Konqo və Kot d`İvuarda keçiririk. Bu səbəbdən də nəsə problem olacağını düşünmürəm.
ELMAR VƏLİYEV