Milli komanda
Elxan Məmmədov: "Maliyyə tərəfi də vacib idi"
İcraiyyə Komitəsinin bu gün keçirilən iclasından sonr…
İcraiyyə Komitəsinin bu gün keçirilən iclasından sonra Azərbaycan millisinin yeni baş məşqçisinin adı rəsmən bəlli oldu. Bu, əvvəlcədən də gözlənilən kimi, Robert Prosineçki ilə 3 illik müqavilə imzalandı. Saytımıza açıqlama verən AFFA-nın baş katibi Elxan Məmmədov Prosineçkinin təyinatı ilə bağlı fikirlərini açıqladı:
"İcraiyyə Komitəsinin bütün üzvləri müsbət fikir bildirdi. Biz 20 nəfərə yaxın namizədi izlədik. Bir aydan çox idi ki, görüşlərimiz davam edirdi. Görüşlərin çoxu ölkə xaricində baş tutmuşdu. Sonda isə millimizin baş məşqçisi Robert Prosineçki oldu. Onun ölkəmizdə yaşaması vacib amildi. Maliyyə tərəfi də vacib idi. Bundan başqa 45 yaşında olan məşqçi ambisiyalı olur. Buna görə də nəyisə sübut etmək istəyir. Müqavilə olmadan 10 gündən artıqdı ki, ölkəmizdədi və çempionat oyunlarını izlədi. O, Berti Foqtsdan az maaş alacaq. Açıqlanan 1 milyon 200 min avro bütün məşqçilər korpusu daxil olmaqla nəzərdə tutulub. Danışıq apardığımız məşqçilər onların açıqlanmamasını bizdən xahiş etdi. Çünki hazırda bir çoxlarını iş yeri var. Sizin özünüz də onların kim olduğunu yazmısız. Yazdıqlarınızın bəziləri doğrudu. Bu tender idi və onlar da uduzdular. Məğlub olanların siyahsında adlarının olmasını istəmədilər".