Dünya futbolu
"Fənərbaxça" Pato üçün danışıqlara başladı
Türkiyənin “Fənərbaxça” klubu heyətini yen…
Türkiyənin “Fənərbaxça” klubu heyətini yeni hücumçu ilə gücləndirmək istəyir. Futbolinfo.az xəbər verir ki, Braziliya mətbuatı "San Paulo"da forma geyən Aleşandro Patonun "bülbüllər”lə danışıqlar apardığını yazıb.
"Sarı-lacivərdlilər"in forvardın müqavilə ilə məxsus olduğu "Korintians"la intensiv görüşlər keçirdiyi deyilir. Patonun yenidən Avropada oynamaq fikrinə düşməsi "Fənər" üçün əlavə üstünlükdü. Artıq danışıqların son mərhələdə olduğu iddia edilir. Futbolçunun meneceri Jilmar Veloz da Patonun yanvarda Avropa klublarından birinə transferini istisna etməyib.
Hücum xəttində çıxış edən oyunçuların məhsuldar çıxış etməməsi "Fənərbaxça” rəhbərlyini yeni forvard gətirməyə məcbur edir.
Qeyd edək ki, 25 yaşlı hücumçu Brazilya milli komandasında keçirdiyi 27 oyuna 10 qol vurub. O, bir zamanlar İtaliya "Milan"ının da aparıcı üzvlərindən olub.