Bu həftə Topaz Premyer Liqasının 11-ci turunun oyunları keçiriləcək. Futbolinfo.az xəbər verir ki, 2-ci dövrədə ilk ev oyununa çıxacaq “Qəbələ” oktyabrın 25-də çempionatın autsayderlərindən biri “Sumqayıt”la görüşəcək.
Yuri Syominin yetirmələri 1-ci dövrədə gözlənilmədən uduzduğu rəqibdən həmin məğlubiyyətin əvəzini çıxmağa çalışacaq.
İlk dəfə 2 oı əvvəl üz-üzə gələn komandalar 2011/12 mövsümündə də, 2012/13 mövsümündə də 2 dəfə qarşılaşıb. Cari çempionatda artıq 1 dəfə qarşılaşana komandalar ümumilikdə 6-cı duelə çıxacaq. İndiyədək yalnız çempionatda baş tutan görüşlərdə “qırmızı-qaralar” böyük üstünlüyə malikdir.
Cari mövsümədək bütün oyunlarda qalib gələn “Qəbələ” ilk dəfə 2 ay əvvəl məğlubiyyət acısı yaşayıb. Lakin 4 qələbəsi və cəmi 1 yenilgisi olan komanda həmin görüşdə də qol sevinci yaşayıb. Top fərqində də “Qəbələ” üstünlüyə malikdir – 11:5.
“Qırmızı-qaralar”ın bu oyunlardakı qollarını 9 futbolçu vurub. Luiz Hilario və Viktor Mendi daha çox – hərəyə 2 dəfə fərqləniblər. Rəqibin heyətində isə Ruslan Qurbanov 2 qola imza atıb. “Qəbələ”nin 1 qolundan 6-sı 1-ci, 5-i 2-ci hissədə vurulub.
Ev oyunlarında qələbələri sıralayan komanda hər 2 matçda qol buraxmaqla qalib gəlib. Bu isə oyunların məhsuldarlığını göstərir. Belə ki, “Qəbələ”nin 2 ev oyununda ümumilikdə 9 dəfə top qapıdan keçib.
2011/12. Premyer Liqa
14.08.2011. Sumqayıt Şəhər – Qəbələ – 1:2
Orxan Əliyev, 90+3 – Luiz Hilario, 5; Daniel Lopes Kruz, 41
2011/12. Premyer Liqa
04.12.2011. Qəbələ – Siumqayıt Şəhər – 3:1
Serj Cehua, 37; Luiz Hilario, 70; Viktor Mendi, 86 – Samir Abbasov, 39
2012/13. Premyer Liqa
26.08.2012. Qəbələ – Sumqayıt – 4:1
Bruno da Silva, 33; Umar Kalabane, 53; Rəşad Abdullayev, 55; Umar Kalabane, 71 – Ruslan Qurbanov, 18
2012/13. Premyer Liqa
08.12.2012. Sumqayıt – Qəbələ – 0:1
Viktor Mendi, 39
2013/14. Premyer Liqa
19.08.2013. Sumqayıt – Qəbələ – 2:1
Vüqar Əsgərov, 4, Ruslan Qurbanov, 62-p. – Yannik Kamanan, 14 (klub saytı)