"Aleksandr Çertoqanov hazırda komandayla məşqlərə başlayıb. Bir neçə gün fərdi məşq keçdi. Hazırda vəziyyəti yaxşıya doğru gedir". Bu sözləri Futbolinfo.az saytına açıqlamasında "Sumqayıt"ın baş məşqçisi Aqil Məmmədov deyib.
Məmmədov AZAL-la oyun haqda da danışıb: "Hazırlığımız normal şəraitdə davam edir. AZAL asan rəqib deyil. Bizim turnir cədvəlindəki hazırkı durumumuz heç də yaxşı deyil. Bizə yalnız bir qələbə lazımdı ki, komanda psixoloji gərginlikdən xilas olsun. Bəzi oyunlarda bəxtimiz gətirmədi, bəzi oyunlarda yaxşı oynamadıq. Klub daxilində heç bir problem yoxdu. İnşallah hər şey yaxşı olar".
