Bu gün Topaz Premyer Liqasının 12-ci turuna yekun vurulacaq. Futbolinfo.az xəbər verir ki, turun son oyun günündə iki qarşılaşma baş tutacaq.
Günün ilk matçı Sumqayıtda keçiriləcək. Sumqayıtın eyni adlı komandası doğma azarkeşlər önündə AZAL-ı qəbul edəcək. Çempionatın autsayderi olan Aqil Məmmədovun yetirmələri bu oyunda dönüş yarada bilər.
"Gənclik şəhəri" təmsilçisi qələbə qazanacağı təqdirdə autsayder mövqeyindən xilas ola biləcək. "Sumqayıt"ı 2 xal qabaqlayan "Rəvan"ın "İnter"ə məğlub olması komanda üçün əla fürsət sayıla bilər. Bundan başqa məğlubiyyət nəticəsində Aqil Məmmədovun postunun silkələnəcəyi də deyilir. AZAL da səfərə xal qazanmaq üçün yollanır. Artıq 6 turdu qələbəyə həsrət qalan "təyyarəçilər" autsayderdən 3 xal almağa çalışacaq. Qazanılan qələbə Vaqif Sadıqovun komandasının qələbəsizlik seriyasına son qoyacaq.
Növbəti oyun isə mərkəzi arenada baş tutacaq. "Qarabağ" digər bölgə komandası "Qəbələ"ni sınağa çəkəcək. Çempionluğa iddiası ilə seçilən 3 komandadan ikisinin qarşılaşması maraqla gözlənilir. "Neftçi"nin "Xəzər Lənkəran" üzərində qələbəsi bakılıları liderlik kürsüsünə qaldırsa da, Ağdam təmsilçisi 3 xaldan sonra yenidən lider ola bilər. Yuri Syominin komandası aktivinə 3 xal yazsa, liderliyi Bakı təmsilçisi ilə bölüşəcək. Məğlubiyyət isə iki komandadan birini liderlik mübarizəsindən az da olsa, uzaqlaşdıracaq.
Topaz Premyer Liqası
12-ci tur
3 noyabr (bazar)
15:00. Sumqayıt – AZAL
Hakimlər: Yusifov Fariz, Haşımov Mübariz, Əsgərov Azər, Məmmədov Fərid.
Mehdi Hüseynzadə adına Sumqayıt şəhər stadionu.
17:00. Qarabağ – Qəbələ
Hakimlər: Ağayev Əliyar, Zeynalov Zeynal, Mehman Mahmudov, Məhərrəmov Ramiz.
Bakı. Tofiq Bəhramov adına Respublika stadionu.
Turun digər oyunları: Bakı – Simurq – 3:2, İnter – Rəvan – 3:2, Neftçi – Xəzər Lənkəran – 4:1.
| 1 | Neftçi | 12 | 7 | 4 | 1 | 18 | 8 | +10 | 25 |
| 2 | Qarabağ | 11 | 7 | 3 | 1 | 20 | 4 | +16 | 24 |
| 3 | Qəbələ | 11 | 7 | 1 | 3 | 17 | 9 | +8 | 22 |
| 4 | Bakı | 12 | 5 | 3 | 4 | 21 | 14 | +7 | 18 |
| 5 | İnter | 12 | 5 | 1 | 6 | 21 | 18 | +3 | 16 |
| 6 | AZAL | 11 | 4 | 3 | 4 | 11 | 15 | –4 | 15 |
| 7 | Simurq | 12 | 3 | 5 | 4 | 11 | 12 | –1 | 14 |
| 8 | XL | 12 | 3 | 4 | 5 | 10 | 17 | –7 | 13 |
| 9 | Rəvan | 12 | 1 | 4 | 7 | 7 | 24 | –17 | 7 |
| 10 | Sumqayıt | 11 | 1 | 2 | 8 | 5 | 20 | –15 | 5 |
Bombardirlər:
6 – Əfran İsmayılov (Bakı).
5 – Vaqif Cavadov (İnter), Mindauqas Kalonas (Bakı), Reynaldo (Qarabağ), Bahodır Nasimov (Neftçi), Baçana Sxadadze (İnter).
4 – Rauf Əliyev (Bakı), Junior Nildo (Xəzər Lənkəran), Daniel Subotiç (Qəbələ).
