“Arsenal” Çempionlar Liqasında Borussiya” (Dortmund) ilə oyun öncəsi zədəli futbolçuların çoxluğundan əziyyət çəkir. Futbolinfo.az xəbər verir ki, bu barədə London təmsilçisinin baş məşqçisi Arsen Venger yerli mətbuata açıqlamasında danışıb.
Fransalı mütəxəssis “Liverpul”la oyunda Cek Uilşir və Kiran Qibbsin xəsarət aldığını deyib: “Uilşirin topuğunda, Qibbsin isə əzələsində problem var. Amma hazırda hər iki futbolçunun zədəsi ilə bağlı dəqiq məlumat verə bilmərik. Onlar ətraflı müayinədən keçirdikdən sonra problemlərini biləcəyik”.
Qeyd edək ki, “Borussiya” – “Arsenal” qarşılaşması noyabrın 6-da keçiriləcək.
