Həftə sonu oynanılacaq "Fənərbaxça" – "Qalatasaray" derbisinə günlər qalsa da, artıq hər iki komandanın üzvləri və fanatlar bu oyuna kökləniblər. Futbolinfo.az xəbər verir ki, artıq tərəflər bir-birinə qarşı atmacalar da göndərməyə başlayıb.
Bunlardan ən çox diqqət çəkəni isə “Fənərbaxça”nın yarımmüdafiəçisi Raul Meyreleşin sosial şəbəkədə paylaşdığı şəkil olub. Portuqaliyalı 2002-ci il oktyabrın 6-da baş tutan və "sarı-lacivərdlər”in 6:0 hesablı qələbəsi ilə yekunlaşan derbiyə işarə vuraraq, yayımladığı fotoda barmaqları ilə "altı" işarəsini göstərib və "Bəliiii! Hazıram!" deyərək, əks-düşərgəyə mesaj yollayıb.
Xatırladaq ki, “Fənərbaxça" – "Qalatasaray" derbisi noyabrın 10-da baş tutacaq.
