"Real"ın müdafiəçisi Fabio Koentrao karyerasını İngiltərə Premyer Liqasında davam etdirə bilər. Futbolinfo.az xəbər verir ki, "Tottenhem" portuqaliyalının xidmətində maraqlıdı.
"Kral Klubu"nda əsas heyətə düşməkdə çətinlik çəkən Koentraonun da bu təklifi müsbət qarşılayacağı güman olunur. Məsələnin maddi tərəfləri barədə isə heç bir məlumat verilməyib.
Qeyd edək ki, 2011-ci ildən "Real"da çıxış edən Koentrao keçirdiyi 40 oyunda bir qol vurub.
