Jumeirah Bilgah Beach otelinin çimərlik futbolu meydançasında təşkil olunmuş Çimərlik Futbolu üzrə Avropa Kuboku – Bakı 2014 (Europen Beach Soccer Cup – Baku 2014) turnirində bu gün keçirilmiş oyunlarla qrup mərhələsinə yekun vurulub. Futbolinfo.az xəbər verir ki, bu gün final mərhələsinin oyunları keçiriləcək.
Beləliklə, avqustun 31-də keçiriləcək 5-ci yer uğrunda oyunda Azərbaycan və Macarıstan, 3-cü yer uğrunda qarşılaşmada Yunanıstan və Rusiya, finalda isə İsveçrə və İspaniya yığmaları üz-üzə gələcək. Oyunlar, müvafiq olaraq, saat 16:15, saat 17:30 və saat 18:45-də başlayacaq. (AFFA)