FİFA prezidentliyinə namizədliyini irəli sürən 4 nəfərdən ikisi geri çəkilmək fikrinə düşüb. Futbolinfo.az xəbər verir ki, bunlar Hollandiya Futbol İttifaqının rəhbəri Mixael van Praaq və Portuqaliya yığmasının keçmiş futbolçusu Luiş Fiqudu.
Həm Praaq, həm də Fiqu namizədliklərini geri çəkməklə, digər namizəd Əli ibn Əl-Hüseynin rəhbər seçilmək şansını artırmaq istəyirlər. Onlar bu yolla Blatterin 5-ci dəfə FİFA prezidenti seçilməsinə mane olmaq niyyətindədi. Bununla bağlı fikirlərini bölüşən Praaq məsələni öz aralarında danışacaqlarını bildirib: “Bu məsələni mətbuatda müzakirə etmək fikrim yoxdu. Görüşəndə öz aramızda danışacağıq. Mümkün variantdı”.
Fiqu isə “Həyatda hər şey mümkündü. Heç kim bilmir ki, sabah nə olacaq?” deyə məsələyə münasibət bildirib.
Qeyd edək ki, FİFA prezidentliyinə seçkilər mayın 29-da keçiriləcək.