“Barselona” klubdan gedəcəyi gözlənilən Pedro Rodrigezlə yeni müqavilə imzalayıb. Futbolinfo.az xəbər verir ki, bu barədə klubun internet saytı məlumat yayıb.
Mənbədə bildirilir ki, Pedro ilə 4 illik müqavilə imzalanıb. Komandada qalmağa razılıq verən yarımmüdafiəçinin təzminat qiyməti 150 milyon avrodu. Belə ki, 27 yaşlı futbolçunu heyətində görmək istəyən klub 150 milyon avrosundan keçməyə razılaşmalı olacaq.
Qeyd edək ki, “Barselona”nın yetirməsi olan Pedro 2008-ci ildən əsas komandanın şərfini qoruyur. Ondan əvvəl klub Xordi Alba ilə də müqaviləni yeniləmişdi.