"Qarabağ"ın Çempionlar Liqasınının II təsnifat mərhələsindəki rəqibi olan Çernoqoriyanın "Rudar" klubunun ev oyunlarını keçirmək üçün futbol stadionu yoxdu. Futbolinfo.az xəbər verir ki, Pleviya təmsilçisi doğma publika önünə çoxfunksiyalı "Qradski" stadionunda çıxır.
Bu arenada futbol meydanı ilə yanaşı, həndbol və basketbol meydançaları, habelə tennis kortu da fəaliyyət göstərir. Futbol meydanında 2 tribuna var ki, bunlardan da biri üstüaçıqdı.
1948-ci ildə inşa edilən stadionda 1985-ci ildə yenidənqurma işləri aparılıb. Ağdam təmsilçisinə qarşı oyunda Pleviye təmsilçisini 10 min azarkeş dəstəkləyə bilər.