Beynəlxalq İdman Arbitraj Məhkəməsinə (CAS) "Xəzər Lənkəran"ın transfer qadağı isə bağlı iclasını təxirə salıb. Futbolinfo.az xəbər verir ki, klubdan verilən məlumata görə, iclas məlum olan tarixdən, yəni ki 30 iyunda yox, daha bir ay, iyul ayının 31-nə kimi uzadılıb.
Bu artıq CAS tərəfdən beşinci belə addımdır. Aprel ayından bəri qərarın verilməsi təxirə salınır.
2011-ci ildə "Xəzər Lənkəran”a baxışa gələn Veldin Muharremoviç "ağ-yaşıllar”da debüt etmədən yola salınıb. Bosniya və herseqovinalı oyunçu daha sonra cənub klubundan FİFA-ya şikayət edib. FİFA isə məsələ ilə bağlı son qərarında "Xəzər Lənkəran"a cərimələri ödəməsini bildirib və kluba qış və yay ayları üçün transfer qadağası qoyulub. Buna etiraz olaraq isə Lənkəran təmsilçisi Beynəlxalq İdman Arbitraj Məhkəməsinə (CAS) müraciət edib.
Qeyd edək ki, əsasnaməyə görə, transfer pəncərəsi bağlandıqdan sonra klub istənilən sayda sərbəst transfer hüququna malik olan futbolçular komanda heyyətində forma geyə bilər.
(xl-fans.com)