İtaliya millisinin qapıçısı Canluicci Buffon Avropa Çempionatının seçmə qrup mərhələsi çərçivəsində sabah Bakıda millimizlə baş tutacaq oyun öncəsi maraqlı açıqlama verib. Futbolinfo.az xəbər verir ki, baş məşqçi Antonio Konte ilə birgə mətbuat konfransına qatılan təcrübəli əlcək sahibi seçmə tsikldə İtaliyanın ardıcıl 48 oyunda məğlubiyyətsiz seriyasını millimizlə müqayisə edib.
İtaliya yığmasının heyətində yeganə dünya çempionu olan Buffon fikirlərini bu cür ifadə edib: “Bəli, 48 oyundu seçmə tsikllərdə məğlub olmuruq. Ancaq ardıcıl 4 görüşdə yenilməyən Azərbaycan üçün bu elə bizim 48 oyuna bərabərdi”.
Xatırladaq ki, Azərbaycan – İtaliya oyunu sabah saat 21:00-da Bakı Olimpiya Stadionunda keçiriləcək.