“CBC Sport” daha bir ilkə imza atmağa hazırlaşır. Yeni yaradılan və bu mövsümdən Topaz Premyer Liqasının oyunlarını yayımlayan telekanal bundan sonra I diviziona da diqqət göstərəcək.
CBC sabah keçiriləcək “Bakı” – “Şahdağ” oyununu efirə gətirəcək. Paytaxt klubundan aldığımız məlumata görə, bu haqda razılıq əldə olunub və Peşəkar Futbol Liqası ilə də razılaşdırılıb. Oyunun saat 14.00-a təyin olunmasının da səbəbi budur.
Qarşılaşma “Bakı”nın təlim-məşq bazasının təbii ot örtüklü əsas meydançasında baş tutacaq. Arena canlı yayımla əlaqədar olaraq tam hazır vəziyyətə gətirilib.