“Zirə” heyətini daha bir futbolçu ilə gücləndirib.
Futbolinfo.az xəbər verir ki, sözügedn klub bu gün “Qəbələ” ilə yollarını rəsmən ayıran Elvin Camalovla anlaşıb. Bu barədə klubun mətbuat xidməti məlumat yayıb.
24 yaşlı yarımmüdafiəçi ilə 2 illik müqavilə bağlanılıb.
Camalov daha əvvəl yalnız “Qəbələ”də forma geyinib. Elvin həmçinin Azərbaycanın müxtəlif yaş qrupu üzrə milli komandalarının da şərəfini qoruyub.
Beləliklə, bu oyunçunun "Zirə"də oynayacağı ilə bağlı az öncə verdiyimiz xəbər təsdiqini tapdı.