Eden Hazardın yeni klubu “Real”da forma nömrəsi müəyyənləşib.
Futbolinfo.az xəbər verir ki, belçikalı yarımmüdafiəçi Madrid təmsilçisində 7 nömrəli formanı geyinəcək. Bu barədə klubun rəsmi saytı məlumat yayıb.
Ötən mövsüm “Real”da bu nömrəli formanı geyinən Mariano Dias isə yeni mövsümdən 24 nömrə ilə çıxış edəcək.
Qeyd edək ki, Diasdan əvvəl uzun illər bu nömrəli forma ötən il "Yuventus"a transfer olunan Kristiano Ronaldoya məxsus idi.
Xatırladaq ki, bu yay “Çelsi”dən transfer olunan Hazard Madrid təmsilçisi ilə 5 illik müqavilə imzalayıb.