“Şamaxı”nın futbolçusu Franko Floresin futbolinfo.az saytına müsahibəsi
- “Qarabağ”a 0:8 hesablı məğlubiyyətin səbəbini nədə görürsən?
- Onlar 1-ci dəqiqədən 95-ci dəqiqəyə qədər bizdən yaxşı idilər. Səbəb budur. Başqa səbəb odur ki, turnir cədvəlində “Qarabağ”ın 55, bizim 20 xalımız var. Hər şey göz önündədir.
- Bu cür nəticə sizə, əhval-ruhiyyənizə necə təsir etdi?
- 0:8 hesablı məğlubiyyət hər kəs üçün bir təcrübə oldu. Lakin bu cür nəticələrlə irəli getmək olmaz. Biz güclüyük və daha yaxşı bir qrupuq. Düşünürəm ki, yaxşı günlərimiz olacaq.
- Sənan Qurbanov oyundan sonra istefa verdi. Bu nəticələri dəyişəcək?
- Mənim üçün bütün nəticələr vacibdir. Baş məşqçi barədə danışa bilməyəcəm. Hər zaman oynadığım oyunlarda komandamın uğurunu düşünmüşəm. “Şamaxı” üçün ən yaxşısını edəcəyik.
- Klub artıq region komandasıdır. Bundan sonra azarkeşlərə nə söz verirsən?
- Qarşıda çox şeyi həlledəcək 5 vacib oyun var. Hansı ki, bu mövsüm üçün vacibdir. Ondan sonra isə nə olacağını bilmirik. Mənim müqaviləm mövsümün sonuna qədər olduğu üçün növbəti mövsüm üçün də komandaya söz verə bilmirəm.
- “Sabah”la qarşıdakı oyundan nə gözləyirsən? Rəqib üçün matç çox vacibdir…
- “Sabah” avrokuboklara getmək üçün çox önəmli oyuna çıxacaq. Amma biz də öz oyunumuzu oynayacağıq. Qələbə qazanmağa çalışacağıq.
CAVAD