Belçika yığması millimiz üçün hər nə qədər uğursuz rəqib olsa da, klub səviyyəsində nəticələrimiz bir o qədər faciəli deyil. İndiyədək 3 klubumuz bu ölkənin 3 müxtəlif klubu ilə 10 dəfə qarşılaşıb.
Maraqlıdı ki, Bakıdakı 5 matçın 4-də təmsilçilərimiz 1:0 hesablı qələbə qazanıb, yalnız “Qəbələ” “Anderlext”ə hər iki görüşdə uduzub. “Neftçi” “Anderlext”i, “Qarabağ” isə həm bu komandanı, həm də “Brügge”ni paytaxtımızdan məyus yola salıb. Düzdü, həmin qələbələr cütdə ümumi uğura töhfə verməyib.
Lakin Belçika təmsilçisini adlamağı bacaran komandamız da var. 14 il öncə “Neftçi” “Jerminal”la səfərdə heç-heçə etmiş, evdə qalib gəlmişdi. Bu isə İntertoto kubokunda mərhələ keçməyə kifayət etmişdi.
Ona görə də “Gent”ə rəqib olan “Qarabağ” üçün hər hansı sindrom qorxusu yoxdur. Ağdamlılar özü də belçikalılara 2 dəfə evdə qalib gəlib, səfər matçlarında eyni sayda məğlubiyyət yaşayıb. Sadəcə, bu dəfə ilk oyunda elə hesabla qalib gəlmək lazımdı ki, səfərdə işimiz asan olsun.
Xatırladaq ki, ağdamlılar Avropa Liqasının qrupunda qarşılaşdığı “Anderlext”i Riçard Almeydanın yeganə qoluyla məğlub etmişdisə, “Brügge”ylə təsnifat matçında təsəlli qələbəmizə Bəxtiyar Soltanov səbəbkar olmuşdu.
Azərbaycan – Belçika: klublar arasında bütün oyunlar
26.07.2005. Brüssel. UEFA Çempionlar Liqası. Anderlext – Neftçi 5:0
03.08.2005. Bakı. UEFA Çempionlar Liqası. Neftçi – Anderlext 1:0
05.07.2008. Antverpen. UEFA İntertoto Kuboku. Jerminal – Neftçi 1:1
12.07.2008. Bakı. UEFA İntertoto Kuboku. Neftçi – Jerminal 1:0
28.07.2011. Brügge. UEFA Avropa Liqası. Brügge – Qarabağ 4:1
04.08.2011. Bakı. UEFA Avropa Liqası Qarabağ – Brügge 1:0
01.10.2015. Bakı. UEFA Avropa Liqası. Qarabağ – Anderlext 1:0
10.12.2015. Brüssel. UEFA Avropa Liqası. Anderlext – Qarabağ 2:1
15.09.2016. Brüssel. UEFA Avropa Liqası. Anderlext – Qəbələ 3:1
24.11.2016. Bakı. UEFA Avropa Liqası. Qəbələ – Anderlext 1:3