İspaniyalı tennisçi Rafael Nadalın akademiyasının kortları Malyorkada baş verən siklondan sonra su altında qalıb.
Akademiyanın rəsmi hesabında dərc olunan fotolardan da göründüyü kimi, leysan yağışlar məşq meydançasında sahələri su altında qoyub.
“Güclü yağışdan sonra dəstək verən mesajlarınız üçün hamınıza “sağ ol” deyirik. Əsas odur ki, hamımız yaxşıyıq və akademiyada mümkün qədər tez normal həyata qayıtmaq üçün çalışırıq. Xilasetmə və təmir briqadalarına göstərdikləri səylərə görə təşəkkür edirik!” — deyə akademiyanın mətbuat xidməti sosial şəbəkələrdə yazıb.
