“Səbail” rəhbərliyi son matç üçün böyük mükafat təyin edib. Komanda mövsümün bağlanış turunda “Şamaxı”ya uduzmayaraq Premyer Liqada qalmağı bacarsa, futbolçuların hər biri 5 min manata sahib çıxacaq.
Futbolinfo.az xəbər verir ki, mövsüm boyu oyunçulara müxtəlif məbləğli mükafatlar paylayan klub rəhbərliyi bu addımın oyunçuları daha da ruhlandıracağına ümid edir. Oyunun Bayılda keçirilməsi, komandaya heç-heçənin də kifayət etməsi “Səbail”ə əlavə üstünlük verir.
“Şamaxı” rəhbərliyi də eyni addımı atıb. Bölgə təmsilçisinin hansı məbləği təyin etdiyni dəqiqləşdirə bilməsək də, elitada qalmağın mükafatının böyük olacağı oyunçulara çatdırılıb.