2023-24 mövsümündə avrokuboklar üçün ayrılan büdcə açıqlanıb. Futbolinfo.az saytı xəbər verir ki, UEFA Çempionlar Liqası, Avropa Liqası və Konfrans Liqasında qrup mərhələsindən etibarən klublara nə qədər ödəniş olacağını bəyan edib.
Çempionlar Liqasında mübarizəyə I təsnifat mərhələsindən qoşulan “Qarabağ” ilk dörd mərhələni adlaya bilsə, qrupa qatıldığı üçün 15,64 milyon avroluq gəlir əldə edəcək. Klublar qrupda hər qələbəyə görə 2,8 milyon, heç-heçə təqdirində isə 930 min avro qazanacaqlar. Qrupdan sonrakı hər mərhələ komandaların büdcələrinə əlavə qazanc əlavə etmələri ilə nəticələnəcək.
Bu proses Avropa Liqası və Konfrans Liqası üçün də keçərli olacaq. Sadəcə, həmin turnirlərdəki qazanc Çempionlar Liqası ilə müqayisədə az olacaq. Konfrans Liqasında iştirak edəcək “Sabah”, “Neftçi” və “Qəbələ”dən hansı qrupa düşə bilsə, buna görə UEFA-dan 2,94 milyon avro pul alacaq. Qrup mərhələsindəki hər qələbənin qazancı isə 500 min avro təşkil edəcək.
Çempionlar Liqası
Qrupa vəsiqə – 15,64 milyon avro
Hər qələbə – 2,8 milyon
Hər heç-heçə – 930 min
1/8 finala vəsiqə – 9,6 milyon
1/4 finala vəsiqə – 10,6 milyon
Yarımfinala vəsiqə – 12,5 milyon
Finala vəsiqə – 15,5 milyon
Çempion – 20 milyon
Avropa Liqası
Qrupa vəsiqə – 3,63 milyon avro
Hər qələbə – 630 min
Hər heç-heçə – 210 min
1/8 finala vəsiqə – 1,2 milyon
1/4 finala vəsiqə – 1,8 milyon
Yarımfinala vəsiqə – 2,8 milyon
Finala vəsiqə – 4,6 milyon
Çempion – 8,6 milyon
Konfrans Liqası
Qrupa vəsiqə – 2,94 milyon avro
Hər qələbə – 500 min
Hər heç-heçə – 166 min
1/8 finala vəsiqə – 600 min
1/4 finala vəsiqə – 1 milyon
Yarımfinala vəsiqə – 2 milyon
Finala vəsiqə – 3 milyon
Çempion – 5 milyon