Sentyabrın 19-dan 25-dək İtaliyanın Alqero şəhərində təşkil olunacaq çimərlik futbolu üzrə Avropa Superfinalının təqvimi müəyyənləşib.
Futbolinfo.az AFFA-nın rəsmi saytına istinadən xəbər verir ki, Azərbaycan yığmasının da oyunlarının vaxtı bəlli olub.
Milli sentyabrın 19-da, Bakı vaxtı ilə saat 12:15-də Türkiyə ilə üz-üzə gələcək.
Bir gün sonra eyni saatda rəqib Rumıniya olacaq. Yığma sentyabrın 21-də, saat 16:00-da isə İsveçrəni sınağa çəkəcək.