Avropa Liqasının qrup mərhələsinin 2-ci turunda keçiriləcək “Hakken” (İsveç) – “Qarabağ” matçında Azərbaycan çempionunu dəstəkləmək istəyən azarkeşlər üçün ayrılmış biletlərin sayı açıqlanıb.
Futbolinfo.az Ağdam klubunun mətbuat xidmətinə istinadən xəbər verir ki, azərbaycanlı azarkeşlər üçün ayrılmış 1800 ədəd bilet oyun günü – oktyabrın 5-də yerli vaxtla 19:00-dan etibarən qarşılaşmanın keçiriləcəyi “Ullevi” stadionunda 8-ci qapının qarşısında satılacaq.
Biletin qiyməti 22 avrodur. Bilet almağa gələrkən özünüzlə şəxsiyyəti təsdiq edən sənəd götürməyiniz tələb olunur.