Azərbaycan millisinin sabiq baş məşqçisi Canni de Byazi İtaliya mətbuatına növbəti dəfə müsahibə verib.
Futbolinfo.az xəbər verir ki, 67 yaşlı mütəxəssis yığmamızdakı fəaliyyətini dəyərləndirib: “Azərbaycanla səyahətimi yenicə başa vurdum. Yeni bir layihə ilə yenidən başlamaq lazımdır. Bu üç il ərzində Azərbaycan futbol hərəkatına çox şey verdiyimi düşünürəm. Avro-2024-ün seçmə mərhələsində 5 komandadan ibarət qrupda 7 xal topladıq. Birinci dərəcəli komandalarla bərabər səviyyədə oynadıq. Belçika ilə ilk matçda bir epizodda uduzduq. Hətta Avstriya ilə də heç-heçəyə layiq idik. İsveçə qarşı qələbə isə tarixdə qalacaq. 3:0 hesabı ilə qazanacağımı heç düşünməmişdim. Maraqlı oyunçular qrupu var. Yol təmizlənib, ümid edirəm ki, növbəti illərdə hərəkət daha da böyüyəcək”.
O, millimizdə əla iş gördüyünə inanır: “Futbolu resurslar az olanda belə oynamağın mümkün olduğunu göstərdim. Azərbaycan kimi millini çalışdırmaq dildən başlayaraq bir çox səbəblərə görə asan deyil. Xüsusi mühit yaşadım, rəsm çəkməyə çalışdım. Əlimdə olan materialdan çoxunu etdim. İndi Azərbaycan futbolundan İtaliya futboluna keçmək asan deyil. Son bir ildə əla iş gördüyümə inansam da, AFFA-ya qalmamaq qərarına gəldiyimi dedim. Komanda diqqətəlayiq artım nümayiş etdirdi və Azərbaycan üçün tarixi nəticələr əldə etdi. Orada olarkən ardıcıl 5 qələbə qazandıq ki, indiyə qədər belə bir hal olmayıb”.
Qeyd edək ki, Canni de Byazi 2020-2023-cü illərdə yığmamızı çalışdırıb.