MBA-da bu gecə 10 oyun keçirilib. “Hyuston Rokets” səfərdə aşkar autsayder “Detroyt Pistons”u çətinliklə də olsa, məğlubiyyətə uğradıb – 112:110. Komandanın lideri, türkiyəli basketbolçu oyunda 29 xal toplamaqla ən məhsuldar olub. Onun komanda yoldaşı Qrin 28 xal yığıb.
Digər autsayder “San-Antonio Spörs” isə qələbə qazanıb. Cedi Osman “Şarlot Hornets” üzərində qələbədə rol oynayıb. O, görüşü 11 xalla tamamlayıb. Gənc ulduz Viktor Vembanyama 26 xal toplayıb.
Maraqlıdır ki, Vembanyama meydançada cəmi 20 dəqiqə olmaqla bu nəticələrə nail olub. Bununla da, o, Kevin Lav və Cordan Dryudan sonra meydançada bu müddət ərzində ən az 25 xal yığıb və 10 ribaund edən ilk basketbolçu olub.
Coel Embiidin yoxluğuna baxmayaraq, “Filadelfiya Siksers” qalib gəlib. Komandanın türk legioneri Korkmaz 3 xal toplayıb. “Sakramento Kinqs” üzərində qazanılan qələbədə ən böyük pay 37 xal toplayan Harrisdən gəlib.
Florida derbisində “Mayami Hits” “Orlando Mecik”i 99:96 hesabı ilə məğlubiyyətə uğradıb.