“Qalatasaray” M`Baye Nyanqla müqavilə imzalamaq istəyir. Forvard millimizin qapıçısı Şahruddin Məhəmmədəliyevin də formasını geydiyi “Adana Demirspor”un düşərgəsini özbaşına tərk edib.
Məlumata görə, futbolçu 4 aydır ki, məvacib almır. Bu səbəbdən də o, klubdan ayrılıb. Klub isə özbaşına gedən futbolçudan FİFA-ya şikayət etmək fikrindədir. Artıq futbolçu 175 min avro dəyərində cərimələnib.
“Qalatasaray” isə forvard baxımından əziyyət çəkir. Mauro İkardi zədəlidir, Sedrik Bakambu isə Afrika Millətlər Kubokuna yollanıb.
“Milan”ın keçmiş futbolçusunun Adana komandası ilə gələn ilin yayına qədər sözləşməsi var. Onun transfer dəyəri 2,7 milyon avroya bərabərdir.