Bu gecə MBA-da keçirilən oyunlar kifayət qədər məhsuldar alınıb. Kaliforniya derbisində “Qolden Steyt Vorriors”la “Sakramento Kinqs” qarşılaşmasının taleyi son saniyələrdə həll edilib. Litvalı basketbolçu Domantas Sabonisin dankı qələbə xalını gətirib. Stiv Körri isə son hücumda top itkisinə məruz qalıb – 133:134. Qonaqların heyətində Barns 39 xal toplayıb.
Los-Ancelesdəki oyun da məhsuldarlığı ilə seçilib. “Leykers” doğma arenada “Çikaqo Buls”u 141:132 hesabı ilə məğlubiyyətə uğradıb. Lebron Ceymsiln aktivində 25 xal və 12 ribaund var.
Lider “Boston Seltiks” isə Mayami səfərində də qələbə qazanıb – 143: 110. Qonaq komandanın heyətində Teytum 26 xal toplayıb.
Son çempion isə Nyu-Yorkdan əliboş dönüb. “Niks” 122:84 hesabı ilə inamlı qələbə qazanıb. Nikola Yokiç oyunu 31 xal və 11 ribaundla tamamlayıb. Bruklində “Minnesota Timbervuls” qalib gəlib. “İndiana Peysers” isə evdə “Filadelfiya Siksers”dən üstün olub – 134:122. Coel Embiidin aktivində 31 xal var. Ardıcıl uğursuzluqlardan sonra “Yuta Caz” qələbə qazanıb. Onlar “Vaşinqton Vizards”ı məğlubiyyətə uğradıblar – 123:108.