MBA-da bu gecə keçirilən oyunlar aarsında nadir göstəricilərdən biri təkrarlanıb. Atlantada “Dallas Maveriks”in oyunçusu Luka Donçiç görüşdə 73 xal toplayıb. Bu isə MBA tarixinin 4-cü nəticəsinin təkrar edilməsi deməkdir.
Ondan çox liqada bir oyunda Vilt Çemberlen (100 və 78 xal) və Kobi Brayant (81) toplayıb. Qonaqlar qarşılaşmada 148:143 hesabı ilə qələbə qazanıblar.
“İndiana” – “Finiks” qarşılaşmasında isə qonaqların oyunçusu Devin Buker 62 xal toplayıb. Lakin son hücumda onun səhvi meydan sahiblərinin qələbə qazanmasına şərait yaradıb – 133:131.
“Şarlott Hornets” – “Hyuston Rokets” qarşılaşmasında uzun fasilədən sonra nəhayət ki, texaslılar səfər qələbəsi əldə ediblər – 138:104. Alperen Şengün oyunu 11 xal və 7 asistlə tamamlayıb.
“Los-Anceles Klippers” də səfərdən qələbə ilə dönür. Kalifornuya təmsilçisi Toronto komandasını 127:107 hesabı ilə məğlub edib. Ceyms Harden oyunda tripl-dabl edib.
“Memfis Qrizliz” – “Orlando Mecik” qarşılaşması meydan sahiblərinin 1 xal üstünlüyü ilə başa çatıb – 107:106. Autsayder “San-Antonio Spörs” doğma arenada Portlend komandasını 116:100 hesabı ilə məğlub edib. Meydan sahiblərinin ehtiyat oyunçusu Cedi Osman 7 xal toplayıb.