2024-cü il Şahmat Olimpiadasının bürünc mükafatçısı olan Özbəkistan qrossmeysterlərinə Prezident Şavkat Mirziyoyev tərəfindən avtomobil hədiyyə edilib. Bu barədə ölkənin Gənclər Agentliyi məlumat yayıb.
Şahmatçılara “BYD Chazor” avtomobillərinin hədiyyə edildiyi bildirilir. Məlumata görə, avtomobilin qiyməti 250 milyon somdan başlayır. Nəqliyyat vasitəsi ilə yanaşı, idmançılara pul mükafatları da verilib.
Xatırladaq ki, kişilər arasında Şahmat Olimpiadasında qızıl medalı Hindistan, gümüşü isə ABŞ komandası qazanmışdı.