“Zirə” ilə oyunumuz çətin oldu. Onlar yaxşı təşkilatlanmış komandadır. Qol vurduqda yaxşı müdafiə olunduqları üçün geridönüş etmək çətindir”. Bu sözləri futbolinfo.az saytına açıqlamasında “Şamaxı”nın futbolçusu Leroy Mikels deyib.
29 yaşlı hücumçu gələn tur “Neftçi”yə qarşı keçirəcəkləri oyun haqda da fikirlərini bölüşüb: “Zirə” həmin gün çox yaxşı çıxış etdiyinə görə qələbəyə layiq idi. Artıq 5 oyundur ki, qalib gələ bilmirik. Yeganə çıxış yolumuz daha çox çalışmaq və malik olduğumuzdan artıq keyfiyyətlər göstərə biləcəyimizə inanmaqdır. Matçlarda qalib gəlib, eyni cəsarətlə oynayıb əldə etdiyimiz inamı bərpa etməliyik. “Neftçi”yə qarşı oyunu səbirsizliklə gözləyirəm. Hər iki komandanın qələbəyə ehtiyacı var. Məncə, bu oyunu izləmək tamaşaçılar üçün çox gözəl olacaq. Yaxşı hazırlaşmışıq və inşallah qalib gələcəyik. Mövsüm üçün hədəfimiz liqada qalmaqdır”.
GÜNAY SÜLEYMANOVA