Ölkələrin UEFA reytinqi yenilənib.
Futbolinfo.az xəbər verir ki, Avropa Liqası və Konfrans Liqası oyunlarından sonra bəzi yerdəyişmələr olub.
Ancaq Azərbaycan mövqeyini qoruyub. “Qarabağ” Avropa Liqasında evdə “Olimpik”ə (Lion) məğlub olduğundan (1:4) ölkəmizin hesabına xal yazılmayıb. Aktivində 19,625 əmsal olan Azərbaycan Avropada 27-ci pillədə qərarlaşır. Cari mövsümün ümumi qazancı isə 2,875-ə bərabərdir.
Qeyd edək ki, siyahıya 97,035 xalla İngiltərə başçılıq edir.