“Real” rəhbərliyi baş məşqçi Karlo Ançelottinin qarşısına tələb qoyub. Komanda bu mövsüm İspaniya çempionatında və Çempionlar Liqasında uğur qazanmalıdır.
Futbolinfo.az xəbər verir ki, bu titullardan azı biri qazanılmasa, italıyalı məşqçi istefaya göndəriləcək. Karyerası titullarla zəngin olan mütəxəssis Madriddə bir sıra uğurlar qazansa da, mövsümü mükafatsız başa vurmaq ona bağışlanmayacaq.
“Real” Çempionlar Liqasında liderlərdən olmasa da, pley-offa yüksəlmək şansı az deyil. La Liqada isə madridlilər 3 liderdən biridir.
“Kral klubu” Ançelottiyə xələf olacaq məşqçini də müəyyənləşdirib. “Real”ın sabiq futbolçusu, hazırda “Bayer”ə uğurla rəhbərlik edən Xabi Alonso italiyalı həmkarına xələf olmağa əsas namizəddir.