İngiltərənin “Mançester Siti” klubu Özbəkistan millisinin 20 yaşlı müdafiəçisi Abdukodir Xusanovla 5 illik müqavilə imzalayacaq. Bu barədə X sosial şəbəkəsində jurnalist Santi Auna məlumat verib. Müqavilə 2030-cu ilin yayına qədər qüvvədə olacaq.
Xatırladaq ki, İngiltərə klubu futbolçunun çıxış etdiyi “Lans”a bonuslar daxil olmaqla 50 milyon avro təklif edib. Xusanovun özü də “Mançester Siti”yə keçməyi digər təkliflərdən üstün tutub.
Xusanov 2023-cü ildən “Lans”da çıxış edir. Futbolçunun klubla müqaviləsi 2027-ci ilə qədərdir. Bu mövsüm Xusanov “Lans”ın heyətində bütün turnirlərdə 16 oyun keçirib və bir məhsuldar ötürmə edib.