Türkiyənin “Beşiktaş” klubu bu gün Avropa Liqasında növbəti oyununu keçirəcək.
Futbolinfo.az xəbər verir ki, Ole Qunnar Sulşerin baş məşqçisi olduğu kollektiv İspaniyanın “Atletik” (Bilbao) komandasını qəbul edəcək.
Liqa mərhələsinin 7-ci turunun qarşılaşması Bakı vaxtı ilə saat 19:30-da start götürəcək. Meydan sahibləri 6 xalla 28-ci, qonaqlar 16 xalla 2-ci pillədə qərarlaşıb.
Açılış matçında “Qalatasaray” Ukraynanın “Dinamo” (Kiyev) klubu ilə heç-heçə edib – 3:3. Turun digər matçları yanvarın 23-də baş tutacaq.