Ölkə futbolu
VİDEOSON: Fəxrimiz
Azərbaycan futbolunun tanınmış simalarından olan Ələkbər Məmm…
Azərbaycan futbolunun tanınmış simalarından olan Ələkbər Məmmədov, 1930-cu il 9 may tarixində Bakıda anadan olmuşdu. SSRİ-nin əməkdar idman ustası, əməkdar məşqçisi, Azərbaycan Respbulikası prezidentinin Şərəf ordenli, Azərbaycan Dövlət Neft Akademiyasının kafedra müdiri, futbolçu karyerasında isə hücumçu olmuşdu. O, 1956-1957-ci il futbol mövsümündə SSRİ-nin 33 ən yaxşı futbolçusu siyahısında 3-cü pillənin sahibi olmuşdu. Futbolçu karyerasına "Neftçi" də başlayan və (1948-1953) Bakı təmsilçisinin şərəfini qoruyan Məmmədov 1954-cü ildə Moskva "Dinamo"sunun heyətinə cəlb olunur. "Dinamo"da keçirdiyi 5 ildə 91 qol vuran futbolçu 1960-cı ildə yenidən "Neftçi"yə qayıdır. O, 2 ildə 25 dəfə rəqib qapılarına yol tapır.
Yığma komanda səviyyəsində isə 1 il SSRİ seçmələrində çıxış edir və 4 qol vurur (1958-1959). Futbolçu karyerasını bitirdirdikdən sonra, 1963-cü ildə "Neftçi"də məşqçi kimi fəaliyətə başlayır. 2 il sonra bu klubun baş məşqçi postundan köməkçi məşqçi postuna enir. Bir neçə ay sonra isə yenidən "Ağ-qaralar"ın baş məşqçisi təyin edilir. 1963-1972-ci illərdə paytaxt təmsilçisini çalışdıran Məmmədov, 1993-cü ildə Azərbaycan milli komandasının baş məşqçisi təyin olunur. Ümumilikdə 16 il "Neftçi" üçün çalışan məşhur futbolçu və məşqçi, "Dinamo"nun heyətində "San Siro"da "Milan"ın (İtaliya) qapısına vurduğu 4 qoldan sonra bütün SSRİ-nin sevgisini qazanmağı bacarmışdı. O, 28 iyul 2014-cü il tarixində Bakıda dünyasını dəyişmişdi.
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”