Premyer-liqa
Novruz Əzimov: "Baş məşqçi təyin olunduğumu Yaşar Seyidov dedi"
Topaz Premyer Liqasının 28-ci turu çərçivəsində ba?…
Topaz Premyer Liqasının 28-ci turu çərçivəsində baş tutan "Bakı" – "Qarabağ" matçı öncəsi ev sahibin düşərgəsində vəziyyət qarışıq idi. Stadiona gələn futbolçular İbrahim Uzuncanın baş məşqçi postundan uzaqlaşdırıldığını, onun yerinə isə Novruz Əzimovun təyin oldunduğunu eşitdikdə bunu heç də xoş qarşılamadı. Nəticədə isə narazılıq edən "zolaqlılar" Novruzovun rəhbərliyi ilə matça çıxmaq istəmədi.
İbrahim Uzunca isə öz növbəsində klub prezidenti Hafiz Məmmədovun ona işindən azad olunması ilə bağlı bir kəlmə belə, demədiyi üçün postunu Novruz bəyə təhvil vermədi. Türkiyəli çalışdırıcının sözlərinə görə, bu, klubun istefa vermiş Yaşar Seyidovun işidi və o, bu təyinatı Məmmədovun xəbəri olmadan edib. Buna görə də Uzunca komandasını matça çıxardı, Əzimov isə kənarda qaldı.
Bəs görəsən, Novruz Əzimov nə düşünür? Əlaqə saxladığımız "Bakı"nın sabiq çalışdırıcısı Novruz bəyin incik olduğu hiss olunurdu. Əməkdaşımıza "Nə var hamısını yazmısız, başqa nə danışım axı" sualını verən Əzimov məsələ ilə bağlı növbəti günlərdə daha ətraflı danışacağını bildirdi. O, saytımıza açıqlamasında baş məşqçi təyin olunmasını Yaşar Seyidovdan eşitdiyini də gizlətmədi:
"Bu, rəhbərliyin işidi. Mövcud məsələ ilə bağlı onlar qərar verəcək. Mənim baş məşqçi təyin olunduğumu Yaşar Seyidov dedi. Bildirdi ki, bu barədə klub rəhbərliyi də məlumatlandırılıb. Siz elə fikirləşirsiz ki, futbolçular bu təyinatı narazılıqla qarşılayıb? Elə fikirləşirsinizsə, fikirləşin, özünüz bilərsiniz. Mən bir söz deyə bilmərəm. Bir az da səbrli olun. Daha sonra bu barədə açıqlama verəcəyik".
EMİN SƏFƏROV
- Ölkə futbolu2024-05-12 10:36
Mahir Xorvatiya çempionu oldu
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-12 08:45
Elxan Məmmədov – Mərdəkandan Kürdəxanıya yollanmaq üçün səbəb var