Premyer-liqa
Lənkəranda "Böyük oyun", Qəbələdə Avroliqa savaşı
Sabah Topaz Premyer Liqasının 29-cu turuna start veriləcək. Futbol…
Sabah Topaz Premyer Liqasının 29-cu turuna start veriləcək. Futbolinfo.az xəbər verir ki, 4 matçdan 1-i paytaxtda, 1-i Sumqayıtda, digərləri isə əyalətdə keçiriləcək. “Araz-Naxçıvan” çempionatı yarımçıq tərk etdiyi üçün bu dəfə “İnter” istirahət edəcək.
Bu tur “Böyük oyun”la yadda qalacaq. Belə ki, “Xəzər Lənkəran” öz meydanında “Neftçi”ni qonaq edəcək. Bu duel əvvəlki əzəzmətini itirsə də, yenə də matçın gərgin keçəcəyini düşünmək olar. Həmçinin budəfəki qarşılaşma Bakı təmsilçisinin yeni rəhbərlik altında ilk “Böyük oyun”u olacaq. Komandalar nə qədər uğursuz dönəmlərini yaşasa da, derbi ab-havası başqadı. Ona görə də, hansısa komandanın favorit olduğunu demək bir az çətindi. Lənkəranlılar əvvəlki iddialarından uzaq olsalar da, bakılılar da bu matça böyük itkilərlə çıxacaqlar. Belə ki, müxtəlif səbəblərdən flaqmanın 7 oyunçusu bu matçı buraxacaqlar ki, bunlardan biri də qış fasiləsinədək “gəmiçilər”in heyətində çıxış etmiş Rauf Əliyevdi. Son turda Zaqatalada qalmaqala səbəb olduğuna görə sabiq "Xəzər Lənkəran"lı Julius Vobayın cənublu fanatlar tərəfindən necə qarşılanacağı maraq doğurur. Hər halda, söz-söhbətlərə görə, Zaqatalada yerli publikaya ədəbsiz jest etdiyi iddia olunan hücumçunun heç də isti qarşılanmayacağı deyilir. Həmçinin, “ağ-qaralar” səfərdə bu rəqibinə qarşı keçirdiyi oyunlarda ancaq 2 dəfə 3 xala sevinə bilibsə, bakılıların qonaq qismində son qələbəsindən 8 il keçir. Ümumilikdə isə Arif Əsədovun yetirmələri son 7 görüşdə əyalət təmsilçisinə məğlub olmur. Cari mövsümdə artıq 4-cü dəfə üzləşəcək komandaların bundan əvvəlki duellərində flaqman rəqibindən 7 xal almağa müvəffəq olub. Ümumiyyətlə, rəqiblər indiyədək 32 dəfə qarşılaşıblar. Bu oyunlardan 7-də Lənkəran təmsilçisi, 12-də isə “Neftçi” qalib gəlib. 13 görüşdə isə tərəflər meydandan 1 xalla ayrılıb. “ağ-yaşıllar”ın vurduğu 25 qola, rəqib 36 qolla cavab verib.
Günün digər maraq doğuran qarşılaşmalarından biri isə “Bakcell Arena”da baş tutacaq. Lideri “Qarabağ”la AZAL arasında oynanılacaq. Ötən tur gözlənilmədən autsayder “Bakı” ilə matçda xal itirən ağdamlıların əsas məqsədi, “İnter”in bu turda meydana çıxmamasından istifadə edib, qalib gəlməklə aradakı xal fərqini artırmaqdı. Keçirdiyi son 2 görüşü bərabərliklə başa vurmağına baxmayaraq, Qurban Qurbanovun yetirmələrini bu qarşılaşmanın favoriti saymaq olar. Əlavə olaraq, Ağdam təmsilçisi son 5 görüşdə bu rəqibinə qalib gəlib. Əks düşərgədə isə vəziyyət fərqlidi. Oynadıqları son 2 matçda birbaşa rəqiblərinə məğlub olan “təyyarəçilər”in artıq bu mövsüm heç nəyə iddiası qalmadığını da demək olar. Axırıncı turda “Qəbələ”dən alınan böyükhesablı məğlubiyyətin komandaya nə dərəcədə təsir edəcəyi maraqlıdı. Bəlkə də, hədəflərindən uzaqlaşması bu görüşdə komandanın xeyrinə işləyən amil oldu. Rəqibindən fərqli olaraq şüvəlanlıların artıq itirməyə heç nəyi yoxdu və bu belə olan təqdirdə futbolçuların üzərinə düşən təzyiqi də azaldır. Bu da Tərlan Əhmədovun yetirmələrinin matça sərbəst, arxayın şəkildə çıxmasına səbəb ola bilər. Həmçinin, qonaqların aparıcı futbolçularının cəza müddətini başa vurub, geri qayıtması da “təyyarəçilər”in gücünə güc qatacaq. Cari mövsümdə baş tutan 3 görüşdə rəqibindən maksimum xal alan “atlılar”, ümumiyyətlə indiyə kimi "təyyarəçilər"lə oyunların cəminə görə də üstündü. Belə ki, keçirilən 25 oyunun 14-də meydan sahibləri, 5-də isə şüvəlanlılar qalib gəlib. 6 qarşılaşmada isə bərabərlik qeydə alınıb. Elə topların fərqində də birincilərin üstünlüyü var – 32:23.
Autsayderlər isə Sumqayıtda üz-üzə gələcəklər. Şəhərin eyni adlı komandası yerli publika önündə “Bakı”nı sınağa çəkəcək. Qış fasiləsindən sonra qələbəyə həsrət qalan hər 2 komanda bu uğursuz sindiroma son qoymaq üçün vuruşacaqlar. Təxminən eyni gücdə olan rəqiblərdən kimisə favorit kimi qabartmaq çətindi. Başı qalmaqallardan açılmayan qonaq komandanın son turda lider “Qarabağ”la oyunda qazandığı 1 xal “zolaqlılar”ın az da olsa əhval-ruhiyyəsini qaldırmasına səbəb ola bilər. Bəlkə də, bu oyun hər 2 komandanın mövsüm sonunadək olan periodda qalib gəlmək üçün son şansıdı. Cari mövsümdə oynanılan 3 qarşılaşmada “kimyaçılar” rəqibindən 5 xal ala biliblər. Ümumilikdə tərəflər arasında baş tutan 11 oyunda "kimyaçılar" 2, bakılılar isə 4 qələbə ilə fanatlarını sevindirə biliblər. Qalan 5 matçda isə bərabərlik qeydə alınıb. "Gənclər şəhəri" təmsilçisi bu matçlarda 7 dəfə qol vura bilibsə, rəqib komanda 9 dəfə fərqlənə bilib.
Turun son qarşılaşması isə əyalətdə baş tutacaq. "Qəbələ" “Simurq”u qəbul edəcək. Avrokuboklara vəsiqə verən 4-cü yer uğrunda mübarizə aparan hər iki komandanın duelində aşkar favorit yoxdu desək, yanılmarıq. “Qırmızı-qaralar” son 5 görüşdə rəqiblərinə qalib gəlsə də, ötən ay kubok yarışında zaqatalalılara qarşı öz meydanında aldığı sarsıdıcı məğlubiyyət meydan sahiblərinin gözünü qorxuda bilər. Ancaq Qəbələ təmsilçisi qalib gələcəyi təqdirdə xal fərqini 5-ə yüksəltəklə iddiasına çatmaq baxımından çox böyük üstünlük əldə edə bilər. Təbii ki, onlar Zaqatala təmsilçisinin kubokda uğursuzluğa düçar olmasını da arzulamalıdı. Son turda “Neftçi”yə məğlub olan “sarı-qaralar” da ölkə kubokunu qazanmağın çox çətin olduğunu başa düşərək, bu görüşdə var gücünü meydanda qoyub, qalib gəlməklə ötən tur itirdikləri 4-cü pilləyə qayıtmağa cəh edəcəklər. Bu mövsüm ölkə çemionatı çərçivəsində tərəflər arasında keçirilən 3 görüşdə komandalar hərəyə 1 qələbə qazanıbsa, 1 qarşılaşmada dəbəarbərlik qeydə alınıb. Ümumilikdə indiyədək keçirilən 25 oyundan hər komanda 9 qələbə qazana bilib. Qalan 7 matçda bərabərlik qeydə alınıb. Qəbələlilərin vurduğu 25 qola rəqib 24 top vurmaqla cavab verib.
Topaz Premyer Liqası
29-cu tur
29-cu tur
9 aprel (cümə axşamı)
17:00. “Xəzər Lənkəran” – “Neftçi”
Hakimlər: Əliyar Ağayev, Zeynal Zeynalov, Mübariz Haşımov, Mahir Məmmədov
AFFA nümayəndəsi: Maşallah Əhmədov
Hakim-inspektor: Əhmədağa Cabbarov
“Xəzər Lənkəran” mərkəzi stadionu
Hakimlər: Əliyar Ağayev, Zeynal Zeynalov, Mübariz Haşımov, Mahir Məmmədov
AFFA nümayəndəsi: Maşallah Əhmədov
Hakim-inspektor: Əhmədağa Cabbarov
“Xəzər Lənkəran” mərkəzi stadionu
17:00. “Qarabağ” – AZAL
Hakimlər: Rəhim Həsənov, Yaşar Abbasov, Rəvan Həmzəzadə, Rza Məmmədov
Əlavə köməkçi hakimlər: Xəlil Xəlilov, Etibar Həsənov
AFFA nümayəndəsi: Rauf Əmirov
Hakim-inspektor: Məlik Həsənov
“Bakcell Arena”
Hakimlər: Rəhim Həsənov, Yaşar Abbasov, Rəvan Həmzəzadə, Rza Məmmədov
Əlavə köməkçi hakimlər: Xəlil Xəlilov, Etibar Həsənov
AFFA nümayəndəsi: Rauf Əmirov
Hakim-inspektor: Məlik Həsənov
“Bakcell Arena”
17:00. “Sumqayıt” – “Bakı”
Hakimlər: Ramil Diniyev, Cavanşir Yusifov, Coşqun Həsənov, Nail Nağıyev
AFFA nümayəndəsi: Sakin Məmmədzadə
Hakim-inspektor: Rövşən Əhmədov
“Kapital Bank Arena”
Hakimlər: Ramil Diniyev, Cavanşir Yusifov, Coşqun Həsənov, Nail Nağıyev
AFFA nümayəndəsi: Sakin Məmmədzadə
Hakim-inspektor: Rövşən Əhmədov
“Kapital Bank Arena”
19:00. “Qəbələ” – “Simurq”
Hakimlər: Elvin Əsgərov, Rahil Ramazanov, Munis Abdullayev, Nahid Əliyev
Əlavə köməkçi hakimlər: Vüsal Əliyev, İnqilab Məmmədov
AFFA nümayəndəsi: Telman Əzizov
Hakim-inspektor: Asim Xudiyev
Qəbələ şəhər stadionu
Hakimlər: Elvin Əsgərov, Rahil Ramazanov, Munis Abdullayev, Nahid Əliyev
Əlavə köməkçi hakimlər: Vüsal Əliyev, İnqilab Məmmədov
AFFA nümayəndəsi: Telman Əzizov
Hakim-inspektor: Asim Xudiyev
Qəbələ şəhər stadionu