Premyer-liqa
Tərlan Əhmədov dəyişiklikdən danışdı: "Bu 6 oyun futbolçular üçün şans olacaq"
Bu gün Topaz Premyer Liqasında 30-cu turun oyunları keçi…
Bu gün Topaz Premyer Liqasında 30-cu turun oyunları keçirilir. Futbolinfo.az xəbər verir ki, AZAL doğma meydanda "Sumqayıt"la 1:1 bərabərə qalıb.
"AZAL Arena"dakı qarşılaşmadan sonra baş tutan mətbuat konfransında açıqlama verən ev sahibi komandanın baş məşqçisi Tərlan Əhmədov heç-heçəni belə şərh edib:
"Qalib gəlmək istəyirdik. Təəssüflər olsun ki, son saniyələrdə qapımızda qol gördük. Üç tur mənə göstərdi ki, komandada yayda dəyişiklik etmək lazımdı. Son saniyədə qol buraxmaq çox üzücüdü. İki oyunçumuz mövsümü başa vurub. Freddi Monboqoya Rəhim Həsənov səhv sarı vərəqə verdiyinə görə cəzalı duruma düşmüşdü. Buna baxmayaraq, onun sarı vərəqəsini ləğv etmədilər. Hərdən susuram, amma yenə də olmur. Qarşıda 6 oyun var. Bu 6 oyun futbolçular üçün şans olacaq ki, özlərini yaxşı tərəfdən göstərə bilsinlər".