Ölkə futbolu
Alfred Sanko Türkiyə yolunda
"Xəzər Lənkəran"ın syerra-leoneli futbolçusu Alf…
"Xəzər Lənkəran"ın syerra-leoneli futbolçusu Alfred Sanko yenidən Türkiyə çempionatına qayıda bilər. Futbolinfo.az xəbər verir ki, 26 yaşlı futbolçu Superliqanı yenicə tərk edən "Balıkəsirspor"un hədəfindədi.
Yerli mətbuata danışan komandanın baş məşçisi Erkan Sözeri yenidən elitaya qayıtmaq üçün heyəti gücləndirəcəklərini və 5 əcnəbi futbolçu ilə maraqlandıqlarını bildirib. Bu legionerlərdən biri də Sankodu. Qardaş ölkədən olan həmkarlarımızın yazdığına görə, növbəti mövsümdən PTT 1-ci Liqasında mübarizə aparacaq "qırmızı-ağlar" afrikalı futbolçu ilə yaxından maraqıanır.
Maraq üçün onu da qeyd edək ki, bir neçə gün öncə saytımıza açıqlama verən Alfred mövsüm başa çatandan sonra "Xəzər Lənkəran" rəhbərliyi ilə danışdığını və ona yeni klub axtarmağı məsləhət gördüklərini dedi.
Qeyd edək ki, Sanko ötən ilin yayında Türkiyə PTT 1-ci Liqa təmsilçisi "Şanlıurfaspor"dan Lənkəran klubuna keçmişdi. Onun cənublularla müqaviləsi növbəti ilin iyununda başa çatacaq.