Ölkə futbolu
Diniyev 99 faiz razıdı
Gələn ildən Topaz Premyer Liqasında çıxış edəcək "…
Gələn ildən Topaz Premyer Liqasında çıxış edəcək "Kəpəz" hazırlıqlarını davam etdirir. Futbolinfo.az xəbər verir ki, gəncəlilər hazırlıqlarının ilkin mərhələsini Bakıda keçirib. 10 günlük toplanışın ardından qərblilərin baş məşqçisi Şahin Diniyev baş tutan hazırlıq prossesi ilə bağlı saytımıza açıqlama verib:
"Qarşımızda duran əsas məsələ fiziki hazırlığın təməlini qoymaq idi. Mənə elə gəlir ki, uşaqlar məsuliyyətlə işlədilər. Təlim-məşq toplanışından və futolçulardan tamamilə razıyam. Sona qədər hər cür gərginliyə dözüb, hazırlıqları yekunlaşdıra bildilər. Düzdü, bəzi xırda problemlər yaşandı. Sonda Bəxtiyar Soltanovun zədələnməsini nəzərə almasaq, hər şey qaydasında keçdi. O da təxminən, 10 gündən sonra məşqlərə başlayacaq. Ümumi götürsək, toplanışdan 99 faiz razı qaldım. Bakıda olduğumuz müddətdə 3 yoxlama matçı keçirdik. Nəticə elə də vacib olmasa da, hər 3 oyunda qalib gəldiyimizə görə çox şadam. Komandada qələbə ruhunun yaranması üçün bu vacib idi".
Qeyd edək ki, hazırlığın 2-ci mərhələsi 17-26 iyul tarixlərində Türkiyədə baş tutacaq.