Ölkə futbolu
Abdulayev: "Seltik" "Qarabağ"dan bunu gözləyir"
Bu gün Azərbaycan futbolu üçün tarixi günl…
Bu gün Azərbaycan futbolu üçün tarixi günlərdən biridi. "Qarabağ" "Seltik"lə matçda lazımi nəticəni təmin edə bilsə, futbol tariximizdə ilkə imza atacaq.
Belə ki, indiyədək heç bir klubumuz Çempionlar Liqasının pley-off mərhələsinə yüksəlməyib. Bunun üçün təmsilçimiz 2 və daha çox top fərqi ilə qalib gəlməlidi. Rəqibin Britaniya təmsilçisi olduğunu nəzərə alsaq, matçın gərgin keçəcəyini düşünmək olar. Maraqlıdı, görəsən, adalılarla oyunda təmsilçimiz necə çıxış etməlidi ki, qarşıya qoyulan məqsədə çatsın? Ona görə də vaxtilə Britaniya təmsilçisi Uelsə qarşı oyunda millimizin baş məşqçisi olan Əsgər Abdullayevin fikirlərinin öyrəndik:
"Bu gün bütün Azərbaycanın ürəyi "Qarabağ"la döyünəcək. Təmsilçimizin mərhələ adlaması hamımızın istəyidi. Futbolçular da, Qurban Qurbanov da bunu çox yaxşı anlayır. Düşünürəm ki, biz bu mərhələni keçməliyik və kəçəcəyik. Nəsə ürəyimdə belə bir inam var. Rəqib də "Qarabağ"ın ilk dəqiqələrdən hücuma atılacağını gözləyir. "Qarabağ" topla oynamağı xoşlayan, texnikalı futbolçulardan qurulan komandadı. 1:0 böyük hesab deyil. Təmsilçimiz ilk hissədə məsələni həll edə bilsə, daha yaxşı olar. "Qarabağ" çox təcrübəli komandadı, bu cür qarşılaşmalarda necə çıxış etmək lazım olduğunu bilirlər".
Təcrübəli mütəxəssis meydançanın ot örtüyü barədə də danışıb: "O ki, qaldı meydançanın ot örtüyünün pis vəziyyətdə olmasına, bu barədə onu deyə bilərəm ki, ümumiyyətlə, topla oynamağı sevən, texnikalı futbol göstərən komandalar üçün meydançanın belə vəziyyətdə olması mənfi haldı. "Qarabağ" meydança və digər amillərə fikir vermədən bu oyunda qalib gəlməlidi".
- Ölkə futbolu2024-05-12 10:36
Mahir Xorvatiya çempionu oldu
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-12 08:45
Elxan Məmmədov – Mərdəkandan Kürdəxanıya yollanmaq üçün səbəb var