Premyer-liqa
CBC-in “liderlər”i
Şənbə günü Topaz Premyer Liqasının 4-cü turuna sta…
Şənbə günü Topaz Premyer Liqasının 4-cü turuna start veriləcək. Cari mövsümdən etibarən çempionatın yayın hüququna sahib çıxan CBC telekanalı bu dəfə futbolsevərlərin görüşünə 2 oyunla gələcək. Futbolinfo.az 4-cü turda mavi ekranlara gətiriləcək 2 oyun da daxil olmaqla, CBC-in yayımladığı oyunlarla bağlı statistik ekskursa çıxmağı qərara aldı.
Telekanal 4 tura 3 dəfə əyalətə səfər edəcək. Nəzərə alsaq ki, çempionatda 3 əyalət təmsilçisi mübarizə aparır, CBC-in hər dəfə 1 bölgəyə səfər etməsi “bütün bölgələrə eyni gözlə” prinsipini qorumağa cəhd etməsindən xəbər verir. Yalnız 2-ci turda telekanal Sumqayıt “sərhəddi”ni keçməyib.
Şənbə günü start götürəcək tur da daxil olmaqla, CBC-in “ən populyar komanda” nominasiyasında liderliyi iki kollektiv bölüşür – “Neftçi” və AZAL. Hər iki komandanın iştirakı ilə keçirilən ilk 4 turun 3-də futbolsevərlər onların oyunlarını telekanal vasitəsi ilə izləyə biliblər. Yeri gəlmişkən, ev oyunlarının yayını məsələsində də AZAL fərqlənib. Özü də “təyyarəçilər” bu yöndə şərikli deyil, vahid liderdilər. Tərlan Əhmədovun komandasının 2 ev oyunu canlı təqdim olunub.
Autsayderlərə gəlincə, “Zirə” və “Sumqayıt”ın iştirakı ilə keçirilən qarşılaşmalar hələ ki, cəmi bir dəfə CBC-in kameralarına tuş gəlib. Ev oyunlarının yayımına gəldikdə isə, hələ ki, “Qarabağ” bu yöndə hamıdan arxada qalır. Ölkə çempionunun ev oyunlarından CBC ilk 4 turda bir dəfə də olsun yayın təşkil etməyib.
Sonda bütün Premyer Liqa iştirakçılarının statistik göstəricilərini diqqətinizə çatdırırıq: “Qarabağ” – 2, “Qəbələ” – 2 (1), “Xəzər Lənkəran” – 2 (1), “Zirə” – 1 (1), “İnter” – 2 (1), “Neftçi” – 3 (1); “Sumqayıt” – 1 (1), “Rəvan” – 2 (1), “Kəpəz” – 2 (1), AZAL – 3 (2).
Qeyd: Mötərzədə komandanın neçə ev oyununun yayımlandığı qeyd edilib.
XƏYYAM
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”