I Liqa
"Bakılı"ya texniki məğlubiyyət verildi
Bu gün AFFA İntizam Komitəsinin növbəti iclası keç…
Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra Azərbaycan çempionatının 1-ci divizionunun ilk turun oyunları ilə bağlı cəzalar açıqlanıb.
“Mil-Muğan” – “Qaradağ Lökbatan” matçında ev sahiblərinin 5 futbolçusunun sarı vərəqə ilə cəzalandığı üçün klub 100 manat cərimə olunub.
“Bakı” – “Şərurspor” matçının 42-ci dəqiqəsində qonaqların futbolçusu Hidayət Bəylərov idmançıya yaraşmayan hərəkətə görə ikinci sarı vərəqə alaraq, meydançadan kənarlaşdırıldığı üçün 1 oyunluq cəzalanıb, klub 20 manat cərimə olunub.
“Energetik” – “Neftçala” matçının 86-cı dəqiqəsində ev sahiblərinin futbolçusu Kamran Lalayev kobud oyuna görə birbaşa qırmızı vərəqə alaraq, meydançadan kənarlaşdırıldığı üçün 2 oyun cəzalanıb, klub 200 manat cərimə olunub.
“Göyəzən” – “Bakılı” matçında qonaq komanda əvəzetmə limitini pozduğuna görə kluba 0:3 hesablı texniki məğlubiyyət verilib. Həmin matçın hakim inspektoru və hakimlər briqadası haqqında hər iki komitə lazımı ölçü götürüb, İntizam Komitəsinə məlumat verəcək.
“Şahdağ” – “MOİK” matçının 87-ci dəqiqəsində hər iki klubun təqsiri nəticəsində oyunda məcburi fasilələr yaranmışdı. Oyunun başa çatmasına baxmayaraq, baş vermiş iğtişaşlara görə hər iki klub 300 manat cərimə olunu. Bu hal yenidən təkrar olunarsa, hər iki klub daha ciddi səkildə cərimə olunacaq.