Milli komanda
Ruslan Nəsirli: "Bunun mətbuata çıxmasına ehtiyac yoxdu"
AZAL-ın yarımmüdafiəçisi Ruslan Nəsirli “Neft&cc…
AZAL-ın yarımmüdafiəçisi Ruslan Nəsirli “Neftçi” ilə oyundan sonra futbolinfo.az saytına müsahibə verib.
– Mövsümün ilk oyununda “Neftçi”yə 0:2 hesabı ilə uduzdunuz. Qarşılaşma barədə nə deyə bilərsən?
– Oyuna yaxşı başlamışdıq. İlk hissədə “Neftçi”dən daha yaxşı təsir bağışladıq. Fasiləyə qədər 2-3 qol epizodumuz oldu. Lakin həmin epizodları dəyərləndirə bilmədik. Bəxtimiz gətirmədi. Eləcə də birinci hissədə mənim səhvim ucbatından azlıqda qaldıq. Heç nədən qırmızı vərəqə aldım. Bu da komandamızın oyununa təsir göstərdi.
– Qırmızı vərəqə aldığın epizodda hakimin qərarı haqlı idi?
– Hakim heç vaxt qərarını dəyişmir. Qırmızı vərəqə göstəribsə, deməli, bunu lazım bilib.
– Meydanı tərk edəndə çox aqressiv idin. Hiss olunurdu ki, qərardan narazısan…
– Bu, emosiyalardı. Bu haqda çox danışmaq istəmirəm. Sadəcə onu deyim ki, rəqib futbolçu komanda yoldaşımı söydü. Mən də onu itələyərək, belə sözlərin lazım olmadığını dedim. O isə yerə yıxıldı. Yekunda da hakim mənə qırmızı vərəqə göstərdi.
– Ümumiyyətlə, hakimlərin idarəçilyini necə dəyərəndirərdin?
– Hakimlərin işinə qiymət vermək istəməzdim.
– Oyundan sonra baş məşqçiniz Tərlan Əhmədov paltardəyişmə otağında nə dedi?
– Baş məşqçiin paltardəyişmə otağında dedikləri orada da qalmalıdır. Məncə, bunun mətbuata çıxmasına ehtiyac yoxdur.
ELMAR ABDULLA-ZADƏ
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”