Ölkə futbolu
Ozobiç: “Lill” səddini keçməklə nəyə qadir olduğumuzu göstərdik"
“Püşkatmanın nəticəsindən razı qaldım. “Maribo…
“Püşkatmanın nəticəsindən razı qaldım. “Maribor” bizim üçün münasib rəqibdi”. Futbolinfo.az xəbər verir ki, bunu “Qəbələ”nin yarımmüdafiəçisi Filip Ozobiç deyib.
Sloveniya mətbuatına açıqlamasında Avropa Liqasının pley-off mərhələsində “Maribor”la keçiriləcək qarşılaşmaları dəyərləndirən xorvatiyalı futbolçu qrup mərhələsinə düşmək şanslarını yüksək qiymətləndirib.
“Qırmızı-qaralar”ın yeni transferi hədəflərinə çatacaqlarına şübhə etmədiyinin bildirib: “Etiraf edək ki, “Vest Hem”lə müqayisədə “Maribor”la qarşılaşmaq daha yaxşıdı. Sloveniya təmsilçisi də güclü komandadı. Amma biz hazırda yaxşı formadayıq və hədəfimiz nə olur-olsun qrupa düşməkdi. Fikrimcə, bunu bacaracağıq. Doğrudu, “Maribior”un Çempionlar Liqası təcrübəsi var. Ancaq biz “Lill” klubunu keçməklə nəyə qadir olduğumuzu göstərdik. Məncə, əlimizə çox yaxşı şans düşüb”.
III mərhələdə “Lill” səddini aşan “Qəbələ”nin tarixi qələbəsinin memarı məhz Ozobiç olub. 25 yaşlı oyunçu Bakıda təmsilçimizə qələbə gətirən qolu bir daha təsvir edib: “Qapıdan təxminən 25 metrlik məsafədə idim. Topu önümdə rahatlayıb qüvvətli zərbə vurdum. Gözəl zərbə alındı və rəqib qapıçının onu qaytarmaq üçün heç bir şansı qalmadı”.
Ozobiç “Qəbələ” azarkeşlərinin də ünvanına xoş sözlər deyib: “Avrokubok matçlarını Bakıda keçiririk, məşqləri də paytaxtda edirik. Azərbaycan çempionatında debütümü “Kəpəz”lə görüşdə etdim. Həmin oyun da Bakıda baş tutdu. Qəbələdəki stadionumuzda nə zaman oyun keçirəcəyimizi bilmirəm. Orda hələ olmamışam. Amma deyə bilərəm ki, bizim böyük azarkeş ordumuz var. “Lill” üzərindəki qələbədə onların böyük rolu oldu. Çətin olsa da, Qəbələdən Bakıya gəlib oyunlarda bizi dəstəkləyirlər”.
Qeyd edək ki, “Qəbələ” – “Maribor” görüşü avqustun 18-də keçiriləcək.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…